მარიამ გოგიჩაშვილი
მენეჯერი, სახელფასო აღრიცხვის აუთსორსინგი
ავტორი: ნათია მჭედლიშვილი / ჯგუფის ხელმძღვანელი
ადამიანური რესურსების მართვა (Human Resources Management) ბოლო წლებში მნიშვნელოვნად შეიცვალა. თუ ადრე HR-ის საქმიანობა ძირითადად ადმინისტრაციულ პროცესებზე იყო ორიენტირებული, დღეს ის ორგანიზაციის ერთ-ერთი მთავარი სტრატეგიული პარტნიორია. თანამედროვე HR-ის როლი აღარ შემოიფარგლება მხოლოდ პროცესების მართვით, ის ქმნის თანამშრომლის გამოცდილებას, ავითარებს ტალანტებს, აძლიერებს ორგანიზაციულ კულტურას და ხელს უწყობს ბიზნესის გრძელვადიანი მიზნების მიღწევას.
ამ ცვლილებების ფონზე სულ უფრო მეტი კომპანია სახელფასო ადმინისტრირებას (Payroll Administration) დამოუკიდებელ ფუნქციად აყალიბებს. სხვადასხვა ორგანიზაცია განსხვავებულ მოდელს ირჩევს - Payroll შეიძლება იმართებოდეს სპეციალიზებული გუნდის მიერ, ფინანსურ მიმართულებაში, ან მთლიანად გადაეცეს აუთსორსინგ პარტნიორს.
ეს მიდგომა HR-ის როლის შემცირებას არ ნიშნავს, პირიქით, ის HR-ს შესაძლებლობას აძლევს მეტი ყურადღება დაუთმოს იმ საქმიანობას, რომელიც პირდაპირ ქმნის ღირებულებას თანამშრომლებისა და ბიზნესისთვის.
დღეს HR-ის საქმიანობა მრავალ მიმართულებას აერთიანებს, მათ შორის:
ამ პროცესებიდან Payroll განსაკუთრებულ ყურადღებას მოითხოვს, რადგან აერთიანებს ფინანსურ, საგადასახადო, შრომით-სამართლებრივ და ტექნოლოგიურ კომპეტენციებს. მისი წარმატებული მართვა დამოკიდებულია სიზუსტეზე, კანონმდებლობასთან შესაბამისობასა და მონაცემთა უსაფრთხოებაზე.
Payroll-ის ფარგლებში, როგორც წესი, ხორციელდება:
სწორედ ამ სპეციფიკის გამო, საერთაშორისო პრაქტიკაში Payroll სულ უფრო ხშირად დამოუკიდებელ სპეციალიზებულ ფუნქციად ყალიბდება.
Payroll-ის გამოყოფის შემდეგ HR თავისუფლდება ყოველდღიური ოპერაციული პროცესების მნიშვნელოვანი ნაწილისგან და მეტი შესაძლებლობა ეძლევა კონცენტრირდეს ისეთ საკითხებზე, როგორიცაა:
შედეგად, HR უფრო აქტიურად მონაწილეობს ორგანიზაციის განვითარებისა და ბიზნესის მხარდაჭერის პროცესში.
Payroll-ის სპეციალიზებულ ფუნქციად მართვა ზრდის პროცესების ხარისხსა და საიმედოობას. მცირდება შეცდომების, საგადასახადო შეუსაბამობებისა და მონაცემთა დამუშავებასთან დაკავშირებული რისკები, ხოლო პასუხისმგებლობები უფრო მკაფიოდ ნაწილდება HR-ს, ფინანსურ გუნდსა და Payroll ფუნქციას შორის.
დღეს მრავალი საერთაშორისო ორგანიზაცია Payroll-ს HR-ისგან დამოუკიდებლად მართავს. ყველაზე გავრცელებული მოდელებია:
მოდელის არჩევანი ორგანიზაციის ზომაზე, სტრუქტურასა და ბიზნესის საჭიროებებზეა დამოკიდებული, თუმცა საერთო ტენდენცია ერთია - Payroll სულ უფრო მეტად ყალიბდება სპეციალიზებული ექსპერტიზის სფეროდ.
Payroll-ის დამოუკიდებელ ფუნქციად ჩამოყალიბება HR-ის როლსმხოლოდ აძლიერებს. ეს არის თანამედროვე ორგანიზაციების ბუნებრივი ევოლუცია, რომელიც თითოეულ ფუნქციას საშუალებას აძლევს იმაზე კონცენტრირდეს, რასაც ყველაზე კარგად აკეთებს.
ერთი მხრივ, HR უფრო მეტ დროს უთმობს ადამიანების განვითარებას, თანამშრომლის გამოცდილებასა და ორგანიზაციის სტრატეგიულ მიზნებს, ხოლო მეორე მხრივ Payroll უზრუნველყოფს სახელფასო პროცესების სიზუსტეს, შესაბამისობასა და უწყვეტობას.
სწორედ ამ ფუნქციების სწორი გადანაწილება ქმნის უფრო ეფექტიან, მოქნილ და თანამშრომლებზე ორიენტირებულ ორგანიზაციას.
მარიამ გოგიჩაშვილი