ანზორ მეხრიშვილი
დირექტორი, ციფრული საკონსულტაციო სერვისების მიმართულების ხელმძღვანელი
პერსონალური მონაცემების დაცვა ორგანიზაციებისა და სახელმწიფო სტრუქტურებისთვის უმნიშვნელოვანესი პრიორიტეტი გახდა. „საქართველოს პერსონალური მონაცემების დაცვის კანონი“ მიზნად ისახავს ფიზიკური პირების პერსონალური მონაცემების კონფიდენციალურობის დაცვას და ორგანიზაციებს აკისრებს პასუხისმგებლობას პერსონალური მონაცემების დაცვაზე. ამ კანონის დაცვის მიზანია პერსონალური მონაცემების დამუშავებისას ადამიანის ძირითადი უფლებებისა და თავისუფლებების, მათ შორის, პირადი და ოჯახური ცხოვრების, პირადი სივრცისა და კომუნიკაციის ხელშეუხებლობის უფლებების, დაცვა. იურიდიულმა პირებმა უნდა მიიღონ ტექნიკური და ორგანიზაციული ზომები, ამ ტიპის მონაცემების დასაცავად, ასევე დანერგონ ინციდენტების მართვის პროცესი.