This site uses cookies to provide you with a more responsive and personalised service. By using this site you agree to our use of cookies. Please read our PRIVACY POLICY for more information on the cookies we use and how to delete or block them.

BDO-მ ინფექციური საავადმყოფოს თანამშრომლებს სუპერმარკეტების ქსელის სასაჩუქრე ვაუჩერები გადასცა

29 დეკემბერი 2020

2014 წლიდან BDO-ში ერთი კარგი ტრადიცია გვაქვს - ყოველ მეორე წელს საახალწლო საჩუქრებისთვის გამოყოფილ ბიუჯეტს სოციალურ პროექტებზე მივმართავთ. წელს,  შექმნილი ვითარების გათვალისწინებით, ჩვენი ბენეფიციარია ინფექციური პათოლოგიის, შიდსის და კლინიკური იმუნოლოგიის სამეცნიერო-პრაქტიკული ცენტრი, რომელმაც პანდემიის პირველი დარტყმა მიიღო და თებერვლიდან ჩართულია ვირუსთან ბრძოლაში.

ზურაბ ლალაზაშვილი, მმართველი პარტნიორი: „ჩვენთვის, ყველასთვის COVID-19-ით გამოწვეული პანდემია ერთგვარ გამოცდად იქცა, რომელმაც განსაკუთრებული მასშტაბი შეიძინა და სრულიად შეცვალა ჩვენი ცხოვრების ყოველდღიური რიტმი. ამ გამოწვევებით სავსე დროში ჩვენთვის განსაკუთრებით ფასეულია ადამიანების მხარდაჭერა, სწორედ ამაზე დგას BDO-ს, როგორც გლობალური ბრენდის კულტურა. ჩვენი უმთავრესი პრინციპია დავეხმაროთ ადამიანებს, ღირსეულად გავუმკლავდეთ გამოწვევებს და შევქმნათ შესაბამისი პირობები წარმატებისა და კეთილდღეობისთვის ახალ რეალობაში“. 

BDO-ს კლიენტების, პარტნიორებისა და მეგობრების სახელით, ინფექციური საავადმყოფოს სრულ პერსონალს სუპერმარკეტების ქსელის სასაჩუქრე ვაუჩერები გადაეცა.