• კარიერა

კარიერა

Grow your dreams with BDO

პროფესიული განვითარების შესაძლებლობა, მაღალტექნოლოგიური და ინოვაციური გარემო, განსაკუთრებული ურთიერთობები როგორც კლიენტებთან, ასევე თანაგუნდელებთან, ჩვენს ხალხთან ერთად მუდმივი სწრაფვა წარმატებისკენ - სწორედ ეს აქცევს BDO-ს გამორჩეულ დამსაქმებლად.

 

ჩვენი ხალხი

BDO-ს ხალხი კომპანიის ყველაზე ღირებული აქტივია. ჩვენი განსაკუთრებული სერვისის მიღმა სწორედ განსაკუთრებული თანამშრომლები დგანან, რომელთა ძალისხმევა და პროფესიონალიზმი შეუფასებელია. ჩვენ ვცდილობთ წავახალისოთ თითოეული გუნდის წევრის ინდივიდუალობა და თვითრეალიზაციის სურვილი; ვქმნით ისეთ გარემოს, სადაც კომფორტი, ჩართულობა, გუნდური მუშაობა და ურთიერთობები არსებითი მნიშვნელობისაა.

 

რას ვთავაზობთ ჩვენს ხალხს

BDO-ში მუდმივად  ვცდილობთ, შევინარჩუნოთ გამორჩეულ ურთიერთობებზე დაფუძნებული კულტურა და თანამშრომლებს შევთავაზოთ საუკეთესო პირობები იმისთვის, რომ იმუშაონ თავდაჯერებულად, იმოქმედონ საჭირო მოქნილობით და თავისუფლებით, რის საშუალებასაც სათანადო ცოდნა და სწორი დამოკიდებულებები აძლევთ. ჩვენს ხალხს საშუალება აქვს ჩაერთოს კომპანიის მიერ ორგანიზებულ სხვადასხვა პროექტსა თუ აქტივობებში.

Secondment -  ინფორმაციის, ცოდნისა და  გამოცდილების გაზიარების მიზნით, ბიდიოელებს აქვთ უნიკალური შესაძლებლობა, რამდენიმე თვით გაემგზავრონ და იმუშაონ BDO-ს სხვადასხვა ოფისში მსოფლიოს მასშტაბით. მიიღო საერთაშორისო ცოდნა და გამოცდილება, გაიცნო უამრავი პროფესიონალი, შეხვდე ახალ გამოწვევებს და გახდე ბევრად უფრო თავდაჯერებული - გაცილებით მარტივია, როცა BDO-ს გუნდის წევრი ხარ.

ჩვენ ვცდილობთ განსაკუთრებული ხელშეწყობით წავახალისოთ პროფესიული სერტიფიცირება. ბიდიოელებს აქვთ შესაძლებლობა, მიიღონ დამატებითი სასწავლო შვებულება, ისარგებლონ მოსამზადებელი კურსების, გამოცდებისა და ყოველწლიური საწევროს დაფინანსებით. მათ შორის, კომპანია აფინანსებს ACCA-ის (სერტიფიცირებულ ნაფიც ბუღალტერთა ასოციაციის) სერტიფიცირებას. თანამშრომლების ასეთი მხარდაჭერა ჩვენთვის არსებითად მნიშვნელოვანია, რათა ხელი შევუწყოთ მათ პროფესიულ განვითარებასა და ბიზნეს პერსონებად ჩამოყალიბებას.

BDO-ში გვჯერა, რომ შეგვიძლია დავეხმაროთ ერთმანეთს მიზნების მიღწევაში. კომპანიაში ბიდიო აკადემიის ბაზაზე მუდმივად იგეგმება შიდა ტრენინგები საქმიანი თუ ტექნიკური კომპეტენციების განვითარების მიზნით.  ტრენინგები დაფუძნებულია საერთაშორისო პრაქტიკასა და თანამედროვე მეთოდოლოგიებზე,  რასაც ერთვის ჩვენი მაღალკვალიფიციური ტრენერების მდიდარი პრაქტიკული გამოცდილება. ჩვენს ხალხს საშუალება აქვს დაესწროს არამხოლოდ ადგილობრივ, არამედ საერთაშორისო ტრენინგებსაც, რომელიც ქსელის მასშტაბით სხვადასხვა ქვეყანაში იგეგმება.

BDO-ში კარიერული წინსვლის გამჭვირვალე სქემაა შემუშავებული, რაც თანამშრომლებს ეხმარება იზრუნონ ინდივიდუალურ განვითარებაზე და მუდმივად ხედავდნენ, რა შესაძლებლობები არსებობს მათი კარიერული განვითარებისთვის.ყოველწლიურად ხდება თანამშრომელთა შესრულებული სამუშაოს შეფასება, რაც საშუალებას გვაძლევს, დავგეგმოთ თითოეული მათგანის კარიერული ნაბიჯები. კომპანიისთვის მნიშვნელოვანია, დამწყებ პროფესიონალებს შესძინოს შესაბამისი ცოდნა და გამოცდილება, რათა რამდენიმე წლიანი თანამშრომლობის შემდეგ, სხვადასხვა მენეჯერულ პოზიციას გაართვან თავი.

 

Digital BDO

BDO-ს განსაკუთრებული ფოკუსი ტექნოლოგიებსა და ციფრულ ტრანსფორმაციაზე ეხმაურება თანამედროვე ბიზნესის განვითარების ტენდენციებს.  ჩვენ ვცდილობთ შევქმნათ ჭკვიანი გადაწყვეტილებები, რათა დავეხმაროთ ორგანიზაციებს წარმატების მიღწევაში. ინდუსტრიისთვის რელევანტური სიახლეები, პირველ რიგში, BDO-ში ინერგება. ინოვაციური, დინამიური და მაღალტექნოლოგიური გარემო არის ის, რაც მეტად საინტერესოს ხდის სამუშაო პროცესს თითოეული თანამშრომლისთვის და ეხმარება მათ ჩამოყალიბდნენ მომავლის პროფესიონალებად.

 

Relationships matter

საქმიანი სამუშაო სივრცის მიღმა ჩვენ ვართ მეგობრები, რომლებიც არაჩვეულებრივად ვატარებთ დროს არაფორმალურ გარემოში. თიმბილდინგ აქტივობები, შიდა სპორტული შეჯიბრებები, კომპანიის სახელით სხვადასხვა ღონისძიებებში აქტიური ჩართულობა, ჩვენი საფეხბურთო გუნდის საერთაშორისო ტურნირებში მონაწილეობა და კორპორატიული წვეულებები თითოეულ ჩვენგანს საშუალებას აძლევს თავი იგრძნოს დიდი და ძლიერი გუნდის წევრად, სადაც ურთიერთობები მნიშვნელოვანია.